Kaspi.kz немесе Homebank.kz (Halyk Bank) қосымшалары арқылы: «Төлемдер» ➔ «Коммуналдық қызметтер» ➔ «ПИК/МИБ қызметтері» ➔ «Алматы қаласы» ➔ «"Aqsai3-10a" МИБ» таңдаңыз. Пәтердің дербес шотын және аты-жөніңізді енгізіп, түбіртекте (төмендегі - Жеке кабинет мәзірінде) көрсетілген тиісті соманы төлейсіз.

Алматы қаласы, Ақсай-3 ықшамауданы, 10А үйі.

Коммуналдық төлем түбіртектеріндегі («Алсеко») пәтер иесінің аты-жөнін немесе тіркелген тұрғындар санын өзгерту үшін: тиісті құжаттарды алып, Сайын және Ұлықбек көшелерінің қиылысында орналасқан аудандық «АлматыЭнергоСбыт» бөлімшесіне барып өтініш жазасыз. Енгізілген өзгерістер ортақ дерекқор арқылы «Алматы Су», «Алматы жылу желілері», «АлматыГаз», «Тәртіп» сияқты коммуналдық кәсіпорындарға автоматты түрде беріледі. Басқа мекемелерге барудың қажеті жоқ. Ал телефон, интернет, домофон, бейнебақылау және жеделсаты қызметтерін көрсететін жеке мекемелерге жеке өтініш беру қажет.

Су есептегіш құралдарының тексеру мерзімі (поверка) аяқталған жағдайда, суды тұтыну көлемі пәтерде тіркелген адам санымен есептеле бастайды. Тексеру мерзімі өткен есептегіштерді мамандарға тексертіп, жарамды болса пайдалану мерзімін ұзартып, қайта пломба қойғызуға болады (бұл жағдайда жаңа есептегіш сатып алудың қажеті жоқ). Тексеруден өтпесе, жаңа есептегішке ауыстырылып, ресми пломбаланады. Бұл жұмыстарды аккредиттелген мамандандырылған мекемелер жүзеге асырады.